Almaty men Nur-Sultanda mýltijúieli qabyný sindromynan eki bala kóz jumdy. Olardyń biri eki jasta bolsa, ekinshisi 15 jasta. Bul týraly Pediatriia jáne balalar hirýrgiiasy ǵylymi ortalyǵynyń basqarma tóraiymy Riza Boranbaeva málim etti, dep habarlaidy QazAqparat.
Onyń aitýynsha, balalar men jasóspirimderdegi mýltijúieli qabyný sindromy – bul COVID-19 infektsiiasynan keiingi immýnologiialyq qubylys.
Búgingi tańda respýblikada balalar arasynda COVID-19-ben assotsiatsiialanǵan mýltijúieli qabyný sindromynyń 41 jaǵdaiy anyqtaldy, onyń ishinde 37 bala qolaily nátijemen emdelip shyǵaryldy, ekeýi kópbeiindi balalar aýrýhanalarynda emdelýde. 2 ólim jaǵdaiy tirkeldi.
«Qaitys bolǵan balanyń bireýi Almatydan 2005 jyly týǵan. Onyń sozylmaly ilespeli aýrýy bolǵan: búirektiń zaqymdalýymen júieli qyzyl jegi (nefrit). Árine, mundai balalarǵa qaýip tónedi. Olarda mýltijúieli qabyný sindromy aýyr bolýy múmkin. Balaǵa dializ terapiiasy qajet boldy. Barlyq meditsinalyq sharalar júrgizildi. Biraq, ókinishke orai, ony qutqaryp qalý múmkin bolmady», - dep atap ótti Riza Boranbaeva.
Onyń aitýynsha, ekinshi bala Nur-Sultannan bolǵan. Ol 2018 jyly dúniege kelgen.
«Eki jasar bala aýrýhanaǵa óte aýyr jaǵdaida jatqyzyldy. Ekinshi kúni jansaqtaý bólimine aýystyryldy. Bul patologiia septikalyq shoktyń damýyna ákeledi. Balanyń aǵzalary zaqymdaǵan. Dárigerler onyń ómiri úshin uzaq kúresti. Bala bir ai boiy komada bolǵan. Ony qutqaryp qala almadyq», – dedi ol.
Mýltijúieli qabyný sindromynyń taǵy bir ataýy – Kavasaki tárizdi sindrom, óitkeni ol Kavasaki aýrýymen klinikalyq uqsastyqqa ie, biraq belgili bir aiyrmashylyqtary bar. Olardyń negizgisi – Kavasaki aýrýy tek erte balalyq shaqta damidy, mýltijúieli qabyný sindromy 21 jasqa deiingi jasóspirimder men jastarda da tirkeldi.
«Kavasaki aýrýy búkil álemde óte sirek kezdesetin patologiia, Qazaqstanda jyl saiyn 2-5 jaǵdai anyqtaldy. Aita ketý kerek, COVID-19-ben bailanysty mýltijúieli qabyný sindromy balalarda jappai jii kezdesetin aýrý emes, biraq keibir balalar koronavirýs infektsiiasynan keiin Kavasaki aýrýyna uqsas klinikalyq belgilerdi kórsetýi múmkin jáne júrek bulshyq etiniń qabyný belgilerimen aýrý aýyr túrde ótip, koronarlyq arteriialardyń anevrizminiń damýy jáne basqa organdar men júielerdi zaqymdaýy múmkin. Sondyqtan balalarda COVID-19 aýrýynyń aldyn alý sharalary áli de ózekti bolyp otyr. Mýltijúieli qabyný sindromyn sátti emdeý úshin erte diagnostika jáne ýaqtyly bastalǵan terapiia mańyzdy», – dedi Riza Boranbaeva.
Balalardyń 80%-da COVID-19 simptomsyz jáne jeńil túrde ótti, patsientterdiń 20%-y aýrýdy ortasha jáne aýyr túrde bastan ótkerdi. Bul negizinen aýyr sozylmaly aýrýlary bar balalar boldy, bul COVID-19 aǵymyn nasharlatty. Balalar COVID-19 koronavirýs infektsiiasymen eresekterge qaraǵanda sirek aýyrady. Olardyń klinikalyq belgileri az jáne aýrý kóbinese simptomsyz nemese jeńil túrde ótedi, degenmen aýyr aǵym jaǵdailaryn da joqqa shyǵarýǵa bolmaidy.
