© Photo: Almaty ákimdiginiń baspasóz qyzmeti
Búgin tústen keiin jaýǵan nóser jańbyrdan keiin qalanyń tómengi jaǵynda ornalasqan aýlalar men kóshelerdi sý basty, dep habarlaidy Sputnik Qazaqstan.
Kommýnaldyq qyzmetter bitelip qalǵan aryqtardy tazalaýǵa kiristi.
Ákimdiktiń málimetine sáikes, sý basý jaǵdailaryn barynsha azaitý maqsatynda merdigerlik uiymdardyń kezekshiligi uiymdastyryldy. Al sýdy burý jáne sorý jumystaryna mobildi toptar tartylyp otyr. Barlyǵy 609 adam, 252 arnaiy tehnika men 24 motopompa shyǵaryldy. Budan bólek, 2 050 qap qum daiyndaldy.
Photo: Almaty ákimdiginiń baspasóz qyzmeti
"Qazgidromettiń boljamy boiynsha búgin túnde ara-tura qatty jańbyr jaýady, aldaǵy úsh táýlik jaýyn-shashyndy bolady", - deidi ákimdik mamandary.
Al tótenshe jaǵdailar departamenti taýly jerlerdi baqylaý sharalarynyń kúsheitilgenin habarlady. Sebebi sel júrý qaýpi bar.
"Búgin saǵat 15:00-ge deiin Almaty qalasynda aýlany sý basý máselesi boiynsha eki ret habar tústi. Raiymbek dańǵyly, 234 mekenjaiy boiynsha ornalasqan úiler, sondai-aq Áitiev kóshesi, 8 jáne 6 mekenjaiyna qutqarýshylar shaqyryldy", - dep atap ótti departament mamandary.
