8 qyrkúiek saǵat 9:00-degi jaǵdai boiynsha 662850 respondent onlain sanaqtan ótti. Bir táýlik ishinde 209 myńnan asa adam sanaq saýaldaryna jaýap bergen, dep habarlaidy Ulttyq statistika biýrosynyń baspasóz qyzmeti.
Osylaisha táýliktik rekord jańaryp otyr. 570251 adam sanaq.gov.kz saitynda, 71387 Egov portalynda tirkelý arqyly jaýap berse, 21212 adam sanaqqa Aitu qosymshasy arqyly qatysty.
Alǵashqy jeti kúnniń qorytyndysymen Almaty alǵa shyqty. Munda 88595 turǵyn sanaqtan ótkeni jaily habarlama alǵan. Onlain sanaqtan ótken taǵy 87275 adam Nur-Sultanda tirkelgen. Úzdik úshtikti Almaty oblysy túiindedi. Munda 62392 adam sanaq saýaldaryna jaýap berdi.
Bul kórsetkish boiynsha ázirge sońǵy eki oryndy Túrkistan jáne Atyraý oblystary enshilep tur. Bul óńirlerde sáikesinshe 10345 jáne 6667 adam sanaqtan ótipti.
Áleýmettik jelilerde «Siz qansha tiri bala týdyńyz?» degen saýal tóńireginde pikirtalas órbýde. Atap óterligi, atalǵan suraq Eýropalyq statistikter konferentsiiasynyń usynysymen qosylǵan bolatyn.
Áielderdiń tiri týǵan balalary jónindegi saýal sońǵy 50 jyl ishinde Halyq sanaǵyn ótkizý kezende keńinen qoldanylyp kelgen. Bul suraq demografiialyq zertteý úshin de udaiy qoiylady.
2021 jyly tiri týǵan balalar jónindegi saýaldar dúniege kelgen sábilerdiń jynysy men sanaq ótkizgenge deiingi sońǵy týǵan náresteniń týǵan kúnin anyqtaýǵa arnalǵan naqtylaýshy suraqtarmen tolyqty. Olarǵa berilgen jaýap keiin náreste ólimi kórsetkishin balanyń jynysyna qarai tereń taldaýǵa qoldanylady.
Tiri týǵan balalar týraly saýal salý týý kórsetkishi týraly mańyzdy derekterdi alýǵa jol ashady. Kóp jaǵdaida mundai málimetti basqa jerden, tipti azamattyq hal-ahýal jaǵdaiyn tirkeý júiesi damyǵan bolsa da alý múmkin bolmaidy. Atap óterligi, bul suraqqa tek qana reprodýktivti jastaǵy áielder ǵana jaýap bermeidi. Alynǵan málimetter ár kezeńdegi týý jáne náresteler men balalar ólimi tendentsiiasyn salystyrý jáne baǵalaý úshin qajet.
Halyq sanaǵy nátijesinde jinalǵan aqparat ádette halyqtyń tabiǵi qozǵalysyn tirkeý bazasyndaǵy málimetterden áldeqaida naqty ári tolyqqandy bolady.
Sondai-aq, alynǵan nátijeler BAQ tarapynan mol suranysqa ie ekenin atap ótkimiz keledi. Sebebi, náresteler men balalar óliminiń kórsetkishi, onyń kezeń-kezeńmen ózgerýi týraly málimetterge turǵyndar úlken qyzyǵýshylyq tanytady.
Ulttyq statistika biýrosy azamattardyń belsendiligi úshin alǵys aita otyryp, sanaqty onlain ótýge shaqyrady. sanaq.gov.kz saity 15 qazanǵa deiin táýlik boiy qoljetimdi bolmaq. Onlain sanaqtan ótpegender 1-30 qazan aralyǵynda interviýerlerdiń saýaldaryna jaýap bere alady. Barlyq saýaldar boiynsha 1446 bailanys ortalyǵyna habarlasýǵa bolady. Qońyraý shalý tegin.
