8 qańtardan bastap Almaty qalasy men Almaty oblysynda UQK, Ishki ister jáne Qorǵanys ministrlikteri men Ulttyq ulannyń arnaiy bólimshelerinen quralǵan kúsh 675 kúdiktini ustady, dep habarlaidy QazAqparat.
Bul jaiynda Ulttyq qaýipsizdik komiteti resmi málimet taratty.
Jeke basyn tekserý jáne avtomobilder men úi-jailardy tintý barysynda demonstranttardyń politsiiadan tartyp alǵan qarý-jaraqtar, oq-dáriler, quqyq qorǵaý organdary qyzmetkerleriniń jalǵan qujattary, ólimge ákep soqtyrmaityn quraldar (jaryq-dybystyq granatalar, shlemder, qalqandar, amýnitsiia) jáne tonalǵan múlikter (turmystyq tehnika, mobildi qurylǵylar, kiim jáne basqalar) tabylyp jatyr.
«Barlyq azamattardy quqyq qorǵaý jáne arnaiy organdarǵa quqyqtyq tártipti turaqtandyrý men qalpyna keltirýde kómek kórsetýge shaqyramyz» dep eskertedi komitet.
