Erbolat Dosaevtyń ókimimen QR Prezidenti ákimshiliginiń kelisimimen Almaty qalasy ákiminiń orynbasary laýazymyna Beibit Shahanov taǵaiyndaldy.
Beibit Shahanov 1979 jyly týǵan. Abylai han atyndaǵy Qazaq Memlekettik Halyqaralyq qatynastar jáne álem tilderi ýniversitetin; Qazaq memlekettik zań ýniversitetin; Qazaq kommertsiialyq-qarjy akademiiasyn; Lankaster ýniversitetin (Ulybritaniia) bitirgen.
Eńbek jolyn 2002 jyly QR Tabiǵi monopoliialardy retteý agenttiginiń monopoliiaǵa qarsy zańnamanyń saqtalýyn baqylaý departamentiniń jetekshi mamany qyzmetinen bastaǵan.
Ár jyldary Qarjy ministrliginiń, Bilim jáne ǵylym ministrliginiń, Qorshaǵan ortany qorǵaý ministrliginiń qurylymdyq bólimshelerinde basshylyq qyzmetterdi atqardy.
2015-2022 jyldary QR Ulttyq ekonomika ministrliginiń, Investitsiialar jáne damý ministrliginiń, Indýstriia jáne infraqurylymdyq damý ministrliginiń Qurylys, turǵyn úi-kommýnaldyq sharýashylyq jáne jer resýrstaryn basqarý isteri komitetinde jumys istedi.
Almaty qalasy qurylys basqarmasynyń basshysy bolyp jumys istedi.
2023 jylǵy mamyrdan bastap qazirgi taǵaiyndaýǵa deiin Almaty qalasy ákimi apparatynyń basshysy boldy.
