Apelliatsiia Baibektiń Mamai men Imanbaevaǵa qatysty aryz-talaby boiynsha sot sheshimin ózgertýsiz qaldyrdy. Bul týraly Almaty qalalyq sotynyń feisbýktegi paraqshasynda jariialandy.
Almaty qalalyq sotynda B.Baibektiń J. Mamai men I. Imanbaevaǵa ar-namysyna, qadir-qasietine jáne iskerlik bedeline nuqsan keltiretin málimetterdi shyndyqqa sáikes kelmeitin dep taný týraly talap aryzy boiynsha azamattyq isti qaraý aiaqtaldy. Is jaýapkerlerdiń apelliatsiialyq shaǵymy boiynsha kelip túsken bolatyn.
Búgin Azamattyq ister jónindegi sot alqasynyń qaýlysymen birinshi satydaǵy sottyń sheshimi onyń zańdylyǵy men negizdiligine bailanysty kúshinde qaldyryldy.
«Almaty qalasy sotynyń apelliatsiialyq sot alqasy óz sheshimin túsindire otyryp, sotta jaýapkerler J.Mamai men I. Imanbaevanyń óz materialdaryndaǵy, sonyń ishinde áleýmettik jelilerden alynǵan málimetteri shyndyqqa sáikes keletinin dáleldemegenin atap ótti. Osylaisha, jariialanǵan aqparat dáleldermen rastalmady jáne negizsiz bolyp tabylady», - delingen habarlamada.
Sonymen qatar, alqa taraptardyń nazaryn azamattardyń konstitýtsiialyq quqyqtaryn buzýǵa jol bermeýge aýdardy.
«Atap aitqanda, jaýapkerlerdiń jariialanymdarynda B.Baibektiń aýyr qylmys jasaǵany úshin maqsatty túrde aiyptalýy oryn aldy. Bul rette árbir adam onyń qylmystyq qylmys jasaýdaǵy kináliligi dáleldengenge jáne sottyń zańdy kúshine engen úkimimen belgilengenge deiin kinásiz dep esepteledi», - delingen qaýlyda.
Buǵan qosa sot talqylaýy barysynda jaýapkerler tiisti dáleldemeler usyný týraly sottyń birneshe márte ótinishine mundai dáleldemeler usyna almady.
«Sondai-aq alqa memlekettik basqarý organdary aktileriniń zańsyzdyǵy men jaramsyzdyǵy týraly jýrnalisterdiń jáne kez kelgen buqaralyq aqparat quraldarynyń zańdy kúshine engen tiisti sot aktisi bolmasa, negizsiz bekitýine jol berilmeitindigin atap ótti. Sonymen qatar, árkim Konstitýtsiiany qatań saqtaýy kerek, qorǵaýǵa jatatyn azamattardyń quqyqtaryn, ar-namysyn, qadir-qasietin qurmetteýi kerek. Qaýly zańdy kúshine endi», - dep jazyldy qalalyq sot taratqan jazbada.
