Almatyda 39 jastaǵy er adam eki tanysyna travmatikalyq tapanshadan oq atty, dep habarlaidy QazAqparat.
Almaty qalalyq Politsiia departamenti faktini rastady. Medeý aýdandyq politsiia basqarmasy tergeýdi bastady.
«Bul fakt QR Qylmystyq kodeksiniń 293-baby 3-bóligi boiynsha Sotqa deiingi tergep-tekserýdiń biryńǵai tizilimine tirkeldi. Kúdikti – 1983 jyly týǵan Ý. esimdi azamat ustalyp, qamaýǵa alyndy. Belgili bolǵanyndai, Medeý aýdanyna qarasty shaǵyn aýdandardyń birinde turatyn úsh er adamnyń arasynda janjal týyndaǵan. 39 jastaǵy turǵyn travmatikalyq tapanshadan 1973 jyly týǵan B. jáne 1973 jyly týǵan G. esimde eki adamǵa oq atty», - dedi Medeý aýdandyq politsiia basqarmasynyń bastyǵy Dáýren Ótebaev.
Politsiia ókiliniń aitýynsha, zardap shekkender aýrýhanaǵa jatqyzyldy. Qylmysty tekserý úshin tergeý-jedel toby quryldy.
