Almatyda blokposta bolǵan jol apatynda zardap shekken politsiia qyzmetkeriniń jaǵdaiy jaqsaryp keledi, dep habarlaidy "Ult aqparat".
«Qazirgi ýaqytta patsienttiń jaǵdaiy jaqsaryp keledi. Jansaqtaý bóliminen profildi neirohirýrgiia bólimine aýsytyryldy. Emdeý jalǵasady. Densaýlyǵyn qaita qalpyna keltirý men ońaltý bastaldy», – deidi neirohirýrg Aleksandr Romanchik.
Buǵan deiin politseidiń aýyr halde ekenin habarlaǵan bolatynbyz. Dárigerler tekserý barysynda qosarlasqan jaraqat, basynyń shúide bóliginiń jaraqaty, miy soqqy alǵanyn anyqtap, shuǵyl túrde ota jasady .
Eske salaiyq, 25 mamyr tańǵy saǵat 05:26-da BMW markaly kóliktiń 1992 jylǵy júrgizýshisi mas kúiinde blokpostaǵy politsiia kóligine soǵyldy. Saldarynan eki politsiia qyzmetkeri kóz jumdy.
