Almatydaǵy «baraholka» bazaryndaǵy órt saǵat 17:09-da aýyzdyqtaldy, dep habarlaidy "Ult aqparat".
«Almaty qalalyq TJD «101» pýltine Alataý aýdanynyń soltústik ainalma joly boiyndaǵy qoimalardyń órtengeni týraly habarlama 6 qyrkúiek kúni saǵat 13:38-de tústi. Órt sóndirý brigadasy oqiǵa ornyna 3 minýtta jetti. Onda jeke quramnan 64 qyzmetker, 20 tehnika, qalalyq TJD 115 qyzmetkeri jáne Almaty politsiia departamentiniń 16 tehnikasy, «Almaty tazalyq» kásipornynyń jáne jasyl ekonomika basqarmasynyń sý tasymaldaityn 15 kóligi tartyldy. «Qazaviaqutqarý» AQ KA-32 jáne Almaty qalalyq qutqarý qyzmetiniń 109-MI 8 ushaǵy jumyldyryldy», - dep habarlaidy TJD.
Politsiia qyzmetkerleri qoimadaǵy taýarlardy saqtaý úshin qorshaýǵa aldy. 15 saǵat 36 minýtta órt bazardyń batys jaǵynda oqshaýlandy. 16 saǵat 10 minýtta ońtústik jaǵy da yryqqa kóndi. 17:09-da órt tolyǵymen aýyzdyqtaldy.
Boljam boiynsha, órt 2200 sharshy metr aýmaqty sharpyǵan. Zardap shekkender joq.
