Ońtústik astananyń osy jylǵy eń ádemi arýy belgili boldy. «Almaty arýy-2021» ataǵyn 26 jastaǵy stýdent Aziza Toqasheva ielendi, dep habarlaidy QazAqparat.
Baiqaý jeńimpazy atanǵan Aziza Toqasheva Máskeý memlekettik ekonomika, statistika jáne informatika ýniversitetiniń magistratýrasynda oqidy. Mamandyǵy — menedjment-marketing.
Ol bala kúninen halyq bilerimen ainalysady. Sonymen qatar, áleýmettik jáne qaiyrymdylyq jobalarǵa belsendi qatysady.
Aziza Toqasheva halyqaralyq jarystarǵa birinshi ret qatysyp otyrǵan joq. Ol Filippinde ótken Miss Intercontinental 2018 sulýlyq baiqaýynda Qazaqstannyń atynan shyqqan. Ózbekstanda ótken Miss Union Fashion-2019 IV halyqaralyq baiqaýynyń jeńimpazy atandy.
Aita keteiik, biyl alǵash ret óńirdegi baiqaýlar onlain ótip jatyr. Qazylar alqasynda akter Táýekel Músilim, ánshi Mádina Sádýaqasova, «Qazaqstan Arýy – 2013» iegeri Aidai Isaeva, KFW negizin qalaýshy, dizainer, stilist Alex Chzhen bar.
