Almatyda 1 qyrkúiekte kólik júktemesin azaitý úshin birqatar qyzmetker qashyqtan jumys isteý formatyna aýystyrylady. Bul týraly qala ákimdigi habarlady, dep habarlaidy ult.kz.
Oqý jylynyń alǵashqy kúninde mektepter mańyndaǵy jol qozǵalysyn 470 politsiia qyzmetkeri retteidi. Turǵyndarǵa mektepke jeke kólikpen barmaý jáne baǵyttaryn aldyn ala josparlaý usynyldy.
Qyrkúiektiń alǵashqy eki aptasynda qoǵamdyq kólik jumysy da kúsheitiledi. Qoldanystaǵy 3200 avtobýsqa qosymsha 500-ge jýyq avtobýs shyǵarylady. Metro quramdarynyń sany 11-den 13-ke kóbeiip, tańǵy ýaqytta poiyzdar arasyndaǵy interval 3 minýtqa deiin qysqarady.
Mektepter mańyndaǵy jol infraqurylymy da tekserilip, anyqtalǵan 140-tan astam kemshilik joiyldy. Bilim berý uiymdarynyń aýmaǵy táýlik boiy beinebaqylaýda bolady.
Qyrkúiektiń alǵashqy aptasynda júk kólikteriniń qozǵalysyna baqylaý kúsheiedi. Salmaǵy 8 tonnadan asatyn kólikterdiń belgilengen ýchaskelerde 07:00-den 22:00-ge deiin júrýine shekteý qoiylǵan.
Sonymen qatar qala ortalyǵyndaǵy iri kompaniialar men uiymdarǵa qyrkúiektiń alǵashqy kúnderi qyzmetkerlerdiń bir bóligin qashyqtan jumysqa aýystyrý nemese jumys ýaqytyn ikemdi uiymdastyrý usynyldy. Ákimdikke qarasty uiymdar 1-5 qyrkúiek aralyǵynda osy sharalardy qoldanady.
Qala turǵyndaryna tańerteń jeke kólikpen jolǵa shyqpai, qoǵamdyq kólik pen metrony paidalaný jáne baǵytty aldyn ala josparlaý usynyldy.
