Almaty ákimi Baqytjan Saǵyntaev megapolis aýdandarynyń turǵyndarymen kezdesýdi jalǵastyrýda, dep habarlaidy "Ult aqparat".
«Kezekti kezdesý kezinde Almaly aýdanynyń turǵyndary ýaqyt pen qarjylyq shyǵyndy qajet etetin mindetterdi iske asyrýǵa túsinistikpen qarady. Olar — eski úilerdi súrý, bala baqshalardy jóndeý jáne mektepter janynan qosalqy nysandar salý. Jaiaý júrginshiler aýmaǵy men demalys oryndaryn keńeitý boiynsha jumystardy odan ári jalǵastyrý usynyldy», - dep jazdy Almaty ákimi Baqytjan Saǵyntaev instagram paraqshasynda.
Kezdesý barysynda túrli máseleler kóterildi.
«Óte mańyzdy ótinish aityldy, iaǵni qalaǵa insýltten ońaltý ortalyǵy qajet. Bul másele zerttelý ústinde. Maqsat — Almatyda zamanaýi kópbeiindi meditsinalyq keshen salý», - dedi qala basshysy.
Saǵyntaevpen kezdesýge egde jandar kóp keldi.
«Kezdesý kezinde ár úige jaýapty úlkender belsendilik tanytty. Bul árine, jaqsy, óitkeni olar oryn alǵan problemalardy jáne olardy sheshý joldaryn biledi, turǵyn úiler men aýlalardyń jaǵdaiyn qadaǵalaidy, PIK-terdiń jumysyn jaqsartýǵa yqpal etedi. Jumystyń mundai úlgilerin taratý qajet»,-dep jazdy ákim.
