Almaty qalasyndaǵy «Almaly aýdanynyń bastapqy mediko-sanitarlyq kómek ortalyǵynda »Sút bezi obyry týraly habardar bolýdyń dúniejúzilik kúnine orai túsindirý jáne profilaktikalyq is-sharalar uiymdastyryld, dep habarlaidy ult.kz.
2026 jylǵy 15 qazanda ótken Ashyq esik kúnine jalpy praktika dárigerleri, pediatrlar jáne beiindi mamandar qatysty. Meditsinalyq qyzmetkerler áielderge sút bezi obyrynyń aldyn alý, mammografiiadan ýaqtyly ótý, profilaktikalyq tekserýlerdiń mańyzy jáne sút bezderin ózdiginen tekserý tártibi týraly aqparat berdi.
Sonymen qatar psihologtar men áleýmettik qyzmetkerler kelýshilermen salaýatty ómir saltyn ustaný, sút bezi aýrýlarynyń aldyn alý jáne nysanaly toptardyń skriningtik tekserýlerden ýaqytyly ótýi jóninde áńgimelesti. Ashyq esik kúni aiasynda 33 patsient qamtyldy.
16 qazanda meditsina qyzmetkerlerine arnalǵan «Sút bezi obyrynyń aldyn alý» taqyrybynda onkolog dárigerdiń qatysýymen seminar ótkizildi. Is-sharaǵa 27 qyzmetker qatysty.
Sondai-aq dúniejúzilik kún aiasynda patsientter arasynda áiel densaýlyǵyna jaýapkershilikpen qaraý jáne profilaktikalyq tekserýlerden ýaqtyly ótýdiń mańyzdylyǵy týraly túsindirý jumystary júrgizildi. Bul sharalarmen taǵy 32 patsient qamtyldy.
Mamandar áielderdi densaýlyǵyna muqiiat bolýǵa, profilaktikalyq tekserýlerden ýaqytyly ótýge jáne sút bezderinde qandai da bir ózgerister baiqalǵan jaǵdaida dárigerge júginýge shaqyrady.
