Áliia Nazarbaevanyń qaiyrymdylyq qory 233 ottegi kontsentratoryn satyp aldy. Meditsinalyq jabdyqtary bar qaiyrymdylyq júk Qytai shekarasynan ótti, endi bul júk alýshylardyń mekenjailaryna jiberiledi, dep habarlaidy "Ult aqparat".
Emdeý úshin ómirlik mańyzy bar apparattar Mańǵystaý, Atyraý, Aqtóbe, Qaraǵandy jáne Qostanai oblystaryndaǵy oblystyq, qalalyq jáne aýdandyq mańyzy bar 17 aýrýhanaǵa jiberiledi. Qor logistika boiynsha monitoring júrgizedi jáne 17 aýrýhananyń árqaisysymen ottegi kontsentrattaryn ýaqtyly jáne qaýipsiz jetkizý boiynsha tyǵyz jumys júrgizedi. QR Densaýlyq saqtaý ministrligi tynys alý apparattaryna muqtaj meditsinalyq mekemelerdiń tizimin usyndy.
Ottegi kontsentratory ókpe aýrýlaryn emdeýde syǵylǵan ottegige qaýipsiz balama retinde qoldanylady. Apparat ony patsientke joǵary kontsentratsiiada - 90-95% mólsherde beredi. Aita ketý kerek, aýada otteginiń mólsheri shamamen 20% quraidy.
«Bizdiń gýmanitarlyq kómek dárigerlerge koronovirýspen kúreste kómektesedi dep shyn júrekten úmittenemin jáne duǵa etemin, sondai-aq Qytaidan Qazaqstanǵa ómirlik mańyzdy apparattardy tasymaldaýǵa qatysqan barlyq adamdarǵa alǵys bildirgim keledi» - dep jazady Áliia Nursultanqyzy Instagram-da.
Esterińizge sala keteiik, koronavirýstyq pandemiia kezinde Áliia Nursultanqyzy Nazarbaevanyń qory halyqqa azyq-túlik sebetteri, dári-dármekter, kiim-keshek sertifikattary, sondai-aq balalardy qashyqtan oqytý úshin noýtbýkter satyp alý túrinde birneshe ret qaiyrymdylyq kómek kórsetken bolatyn.
