Tanymal qazaqstandyq estrada ánshisi Álisher Kárimov reseilik "Daýys" shoýyna qatysyp, kelesi kezeńge ótti, dep habarlaidy "Ult aqparat".
Otandasymyz kórmei tyńdaý kezeńinde Sharl Aznavýr jáne Jorj Garvarentstyń "Máńgi mahabbat" ánin oryndady.
Qazaqstandyqtyń óneri reseilik ánshi, ustaz Aleksandr Gradskiidiń kóńilinen shyǵyp, ol ánniń basynda buryldy. Osylaisha Álisher Kárimov onyń komandasynyń quramyna ótti.
"Maǵan tómengi registr unady. Fantastika", - dedi tálimgerlerdiń biri Leonid Agýtin.
Óz kezeginde, Pelageia da óz baǵasyn berip, azdaǵan kemshiligin baiqaǵanyn jasyrmady.
Aita keteiik, Álisher Kárimov – reseilik "Daýys" shoýynyń kelesi kezeńine ótken úshinshi qazaqstandyq ánshi. Buǵan deiin Ámire degen atpen tanymal Ernar Sadyrbaev pen 2019 jyly "Slavian bazary" baiqaýynda gran-pri iegeri atanyp, Dimash Qudaibergenniń jetistigin qaitalaǵan Ádilhan Makin qazylar alqasy men kórermenderdi tańǵaldyrǵan edi.
