«Álippe» jáne «Býkvar» mektepterge qaita oralady. Bul týraly «Bilim jáne ǵylym – eldiń turaqty damýynyń kepili» taqyrybyndaǵy pedagogterdiń Respýblikalyq tamyz konferentsiiasynyń plenarlyq sessiiasynda QR Bilim jáne ǵylym ministri Ashat Aimaǵambetov málim etti, dep habarlaidy "Ult aqparat".
Ministrdiń aitýynsha, jańa oqý jylyndaǵy jańalyqtardyń biri - «Álippe» jáne «Býkvar» oqýlyqtarynyń mektep baǵdarlamasyna qaita oralýy.
«1 qyrkúiekte ótetin saltanatty is-sharada mektep tabaldyryǵyn alǵash attaǵan barlyq birinshi synyp oqýshysyna «Álippe» birinshi oqýlyǵy retinde beriledi. Bul oqýlyq Ahmet Baitursynulynyń ádistemesi boiynsha jasalǵan. Osyǵa baǵytta bizdiń ádiskerler men ǵalymdar aýqymdy jumystardy atqardy», - dedi Asqar Aimaǵambetov.
«Álippe» jáne «Býkvar» oqýlyqtary mazmuny jaǵynan birdei jáne birinshi synyp oqýshylarynyń jas erekshelikterin eskere otyryp jasalǵan.
Budan buryn habarlanǵandai, 1 qyrkúiekte bolatyn Bilim kúni saltanatty is-sharasy dástúrli formatta, iaǵni mektep aýmaǵynda 1-synyp oqýshylary úshin uiymdastyrylady.
Olarǵa saltanatty túrde alǵashqy oqýlyǵy Álippe tabystalady. Al 2 men 11-synyp oqýshylary tikelei bekitilgen kabinetterge baryp, sonda taqyryptyq synyp saǵattaryna qatysatyn bolady.
