Áleýmettik tólemdi alý úshin Biryńǵai jiyntyq tólem tóleitinder neni bilýi kerek? Osy suraqqa Memlekettik kirister komiteti jaýap berdi, dep habarlaidy "Ult aqparat".
Memlekettik kiris komiteti elimizde tótenshe jaǵdai engizilýine bailanysty tabysynan aiyrylǵan Biryńǵai jiyntyq tólem tóleitinderge 42 500 teńge áleýmettik tólem boiynsha týyndaityn máseleler boiynsha túsinik berdi.
«QR Eńbek jáne halyqty áleýmettik qorǵaý ministrliginiń erejesine sáikes (26.03.2020 jylǵy №110 buiryq) áleýmettik tólemder Memlekettik áleýmettik saqtandyrý qorynan Salyq kodeksiniń 774-babyna sáikes biryńǵai jiyntyq tólemniń tóleýshileri bolyp tabylatyn jeke tulǵa úshin kózdelgen. Bul rette, Biryńǵai jiyntyq tólem jaldamaly qyzmetkersiz jylyna 1 175 AEK-ten (2,96 mln teńge) kem mólsherde tabys ala otyryp, kásipkerlik qyzmet sheńberinde basqa jeke tulǵalarǵa (salyq agentteri bolyp tabylmaityn) jeke qosalqy sharýashylyq ónimderin ótkizýdi nemese qyzmet kórsetýdi júzege asyratyn jeke tulǵalarǵa arnalǵan», delingen habarlamada.
Mysaly, birjolǵy jaldamaly eńbek (turmystyq tehnikany, santehnikany jáne t.b. jóndeý), jekelegen jeke qyzmetter (repetitorlar, kútýshiler, otyrǵyshtar, tapsyrysqa toqý), baǵdarlamalardy ornatý qyzmeti (NJ ornatý, antivirýs jáne t. b.), óziniń jeke qosalqy sharýashylyǵynda óndirilgen sútti, kartopty satý, basqa jeke tulǵalarǵa jáne t. b.
«Sheteldikter men azamattyǵy joq adamdar, sondai-aq turǵyn úidi qospaǵanda, múlikti jalǵa beretin statsionarlyq núkteler (kommertsiialyq obektiler - saýda obektileri, bazarlar jáne t.b.) arqyly qyzmetin júzege asyratyn adamdar BJT tóleýshi bola almaidy. Budan basqa, BJT tóleýshi - jeke tulǵa dara kásipker nemese jeke praktikamen ainalysatyn tulǵa (advokattar, notariýstar, jeke sot oryndaýshylary jáne kásibi mediatorlar) retinde tirkelmeýi tiis, olar úshin osyndai áleýmettik tólemderdi alýdyń ózge tártibi kózdelgen jáne BJT tóleý talap etilmeidi», delingen habarlamada.
Osylaisha, joǵaryda kórsetilgen talaptarǵa sáikes kelgen kezde BJT tóleýshi bolyp tanylatyn jáne joǵaryda kórsetilgen qyzmetterdi kórsetý nemese basqa jeke tulǵalarǵa (salyq agentteri bolyp tabylmaityn) jeke qosalqy sharýashylyq ónimin ótkizýdiń múmkin bolmaýyna bailanysty tabysynan aiyrylǵandar TJ engizilýine bailanysty tabysynan
aiyrylǵan BJT tóleýshi jeke tulǵa sanatyna jatady.
«Tiisinshe, tótenshe jaǵdai kezinde BJT-ny alǵashqy ret tólegen tulǵalar ózin osyndai talapqa sáikes keletin ózin-ózi jumyspen qamtyǵandar retinde kórsetken, áleýmettik qamsyzdandyrý júiesine kirgen jáne TJ kezeńi aiaqtalǵannan keiin kásipkerlik tabys alǵan kezde osyndai mártebeni BJT tóleý jolymen rastaýyn jalǵastyrýy tiis», delingen habarlamada.
