Senator Baýyrjan Qaniev Úkimettiń negizgi azyq-túlik ónimderiniń baǵasyn ustap turý boiynsha qabyldaǵan sharalaryn synǵa aldy, dep habarlaidy QazAqparat.
Osy oraida Senattyń jalpy otyrysynda Premer-Ministrdiń atyna joldaǵan depýtattyq saýalynda jaǵdaidy jaqsartýǵa yqpal etetin birqatar qadamdy usyndy.
Depýtat Ulttyq statistika biýrosynyń 2021 jyldyń basynan bastap sábiz 45% - ǵa, kartop 38,5% - ǵa, kúnbaǵys maiy 16,7% - ǵa, piiaz 10,9% - ǵa jáne qant 9,2% - ǵa qymbattaǵany týraly derekterimen bólisti.
Senatordyń aitýynsha, jalpy ishki ónimniń quramyndaǵy otandyq taýar óndirýshilerdiń úlesi shamamen 30 paiyz, al azyq-túliktiń 70% - y elge importtalady, bul baǵanyń ósýine yqpal etpei qoimaidy.
«Úkimet baǵany eki tásilmen turaqtandyrýǵa tyrysyp jatyr, biraq aitarlyqtai nátije joq. Birinshisi – 6 paiyzben kásipkerlerge nesie berý arqyly. Biraq oǵan kóp kásipkerlerdiń jáne sharýa qojalyqtarynyń qoly jetpei otyr. Ekinshisi – azyq-túlikti tómendetilgen baǵamen satatyn áleýmettik dúkender arqyly. Bul dúkenderdiń sany az, ishki naryqty tolyǵymen qamtamasyz ete almaidy. Sondyqtan da bul tásilder naryqtaǵy baǵaǵa kóp áserin tigize almai otyr. Sondyqtan Úkimet eń aldymen áleýmettik mańyzy bar taýarlarǵa qatysty shekti baǵany bekitip, ókiletti organ baǵanyń ózgerýin qatań túrde baqylaýy tiis»,- dedi depýtat.
Baýyrjan Qaniev, sondai-aq, Senattyń Ekonomikalyq saiasat, innovatsiialyq damý jáne kásipkerlik komiteti Memleket basshysynyń Joldaýyn iske asyrý aiasynda kóterme saýda ortalyqtary jelisin damytý jáne baǵa belgileýdi jetildirý máseleleri boiynsha ýákiletti memlekettik organdarmen jáne múddeli uiymdarmen kezdesý ótkizgenin atap ótti. Kezdesý qorytyndysy boiynsha arnaiy ázirlengen usynystar Úkimettiń atyna joldandy.
