QR Aqparat jáne qoǵamdyq damý ministrliginiń qoldaýymen shet elderde «Abai Uii» mádeni-iskerlik úii jobasy iske qosyldy. Bul týraly «Otandastar qory» KEAQ vitse-prezidenti Maǵaýiia Sarbasov aityp berdi, dep habarlaidy QazAqparat.
«Aqparat jáne qoǵamdyq damý ministrliginiń qoldaýymen «Abai Uii» mádeni-iskerlik úii jobasy iske qosyldy. Atalǵan joba sheteldegi qandastarmen mádeni-gýmanitarlyq jáne iskerlik bailanystardy damytý maqsatynda áreket etedi. Joba aiasynda gýmanitarlyq, mádeniet, ǵylym, bilim, sport jáne basqa saladaǵy túrli baǵdarlamalar júzege asyryla bastady», - dep atap ótti M. Sarbasov Ortalyq kommýnikatsiialar qyzmetinde ótken baspasóz máslihatynda.
Ótken 2020 jyly «Abai Uii» mádeni-iskerlik úii Reseidiń Omby, Ózbekstannyń Tashkent, Túrkiianyń Ystanbul, Germaniianyń Berlin, Ýkrainanyń Kiev qalalarynda ashylǵan.
«Biyl 2021 jyldyń sońyna deiin osyndai jobany qazaqtar kóp shoǵyrlanǵan Mońǵoliianyń Baian-Ólgei aimaǵynda, Reseidiń Astrahan, Qyrǵyzstannyń Bishkek qalalarynda ashýdy josparlap otyrmyz. Bul árine, sol elderdiń epidemiologiialyq jaǵdaiyna, biliginiń ustanymyna da bailanysty bolady. Degemen, qazir QR Syrtqy ister ministrligi men elshilikter arqyly jumys júrgizilýde, barlyq joba júzege asady degen oidamyz», - deidi Maǵaýiia Sarbasov.
Aita keteiik, ártúrli málimetter boiynsha shet elderde 5-7 mln qazaq turady. Qazir naqty sanyn aiqyndaý úshin zertteý jumysy júrgizilip jatyr.
