The Lancet jýrnalynda «QazVac» vaktsinasy týraly maqala jariialandy. Bul týraly Bilim jáne ǵylym ministri Ashat Aimaǵambetov jelide jazdy, dep habarlaidy "Ult aqparat".
«EClinicalMedicine published by The Lancet jýrnaly otandyq «QazVac» vaktsinasyn klinikalyq zertteýdiń 1-2 fazasynyń nátijeleri týraly maqalany qabyldap, elektrondyq nusqasyn basyp shyǵardy. Biologiialyq qaýipsizdik problemalarynyń ǵylymi-zertteý institýtynyń ǵalymdaryn maqalanyń jariialanýymen quttyqtaimyn!», - dedi ministr.
Aita keteiik, ótken jyldyń naýryz aiynda elimizde koronavirýs indetine bailanysty qatań karantindik sharalar qabyldanǵan bolatyn. Sol kezde Memleket basshysy Qasym-Jomart Toqaev elimizdiń Biologiialyq qaýipsizdik máseleleri jónindegi ǵylymi-zertteý institýtynyń ǵalymdary aldyna virýsqa qarsy vaktsinany shuǵyl ázirleý tapsyrmasyn júktegeni de este. Al búginde ǵalymdarymyz qysqa ǵana ýaqyttyń ishinde ázirlegen otandyq «QazVac» vaktsinasy adamdarǵa egilip jatqany belgili.
QazVac vaktsinasy - QR Bilim jáne ǵylym ministrliginiń Biologiialyq qaýipsizdik máseleleri jónindegi ǵylymi-zertteý institýty ázirlegen COVID-19-ǵa qarsy belsendiligi joiylǵan vaktsina.
Inaktivtendirilgen vaktsina dástúrli jáne tiimdi bolyp sanalady, ony daiyndaý tehnologiiasy kúrdeli emes ári vaktsinalardyń basqa túrlerine qaraǵanda qaýipsiz. Sondyqtan qazaqstandyq ǵalymdar inaktivtendirilgen vaktsina jasaý týraly sheshim qabyldaǵan.
Biologiialyq qaýipsizdik máseleleri ǵylymi-zertteý institýtynyń bas direktory Kúnsulý Zákariia QazVac vaktsinasyna jasalǵan synaqtyń III fazasy ekpeniń tiimdiligin kórsetkenin aitady.
