Qazaqstanda koronavirýstyń taralýyna jol bermeý jónindegi vedomstvoaralyq komissiia álemdegi epidemiologiialyq jaǵdaiǵa sholý jasady, dep habarlaidy "Ult aqparat".
Álem 200 milliondyq mejege jetti. Bir apta buryn Djons Hopkins ýniversiteti KVI infektsiiasy týraly jasaǵan boljamǵa álem birneshe kúnde-aq jetti.
Statistikaǵa sáikes anyqtalǵan COVID-19 epizodtarynyń jalpy sany 200 014 602-di qurady, epidemiiadan kóz jumǵandar sany - 4 252 873 adam.
AQSh-ta virýs juqtyrý boiynsha 35 292 721 jaǵdai anyqtaldy jáne 614 666 adam qaitys boldy, bul - álemdegi eń joǵary kórsetkish.
Odan keiin 31 769 132 derekpen Úndistan ekinshi orynda tur. Alǵashqy úshtiktegi taǵy bir el Braziliia - 19 985 817 jaǵdai.
4 mln jáne odan da joǵary kórsetkish Resei, Frantsiia, Ulybritaniia, Túrkiia, Argentina, Kolýmbiia, Ispaniia, Italiia jáne Iranda tirkeldi.
Vaktsina almaǵan adamdar kóz jumýdyń joǵary qaýpi bar táýekel tobynda.
Latviiada maýsym aiynda qaitys bolǵandardyń 99,2%-i COVID-19 saldarynan kóz jumǵan, onyń 117-si - vaktsina saldyrmaǵandar.
Basqasy ekpe kýrsyn tolyǵymen aiaqtamaǵan. COVID-19 boiynsha aýyr asqynýmen aýrýhanaǵa túskenderdiń basym kópshiligi - sozylmaly aýrýy bar egde jastaǵy naýqastar.
Latviianyń aýrýlardyń aldyn alý jáne baqylaý ortalyǵy COVID-19 vaktsinatsiiasynan ótken adamdar arasynda virýsqa shaldyǵý derekteri az tirkeletinin, al juqtyrǵan jaǵdaida aýrý jeńil túrde júretindigin jáne sirek jaǵdailarda statsionarlyq em talap etiletinin málimdedi.
