Álem boiynsha koronavirýsqa qarsy vaktsinalanǵandar sany 7 milliardtan asty. Olardyń jartysynan kóbi úsh elde: Qytaida (2,3 mlrd), Úndistanda (1,1 mlrd) jáne AQSh-ta (0,4 mlrd) salyndy, dep habarlaidy QazAqparat TASS agenttigine silteme jasap.
Qazirgi ýaqytta adamdarǵa COVID-19-ǵa qarsy vaktsinalardyń 7,001 mlrd dozasy salynǵan. Bútin ǵalamarda vaktsinatsiianyń tolyq kýrsynan qansha adam ótkenin anyqtaý áli de múmkin emes. Óitkeni kóptegen el tek kovid vaktsinalarynyń sertifikattalǵan dozalarynyń sany men jasalǵan ekpelerdiń sany týraly ǵana habarlaidy.
BAÁ men Maltada turǵyndardyń 90% astamy ekpe saldyrǵan. Portýgaliia, Kýba, Chili, Islandiia, Kambodja, Katar, Ispaniia, Singapýr, Brýnei jáne Ońtústik Koreia siiaqty memleketterde halyqtyń 80% astamy keminde bir komponentpen egilgen.
Reseide, koronavirýspen kúres jónindegi federaldy jedel shtabtyń málimetteri boiynsha, 50,9 millionnan astam adam koronavirýsqa qarsy vaktsinatsiianyń tolyq kýrsynan ótken, al alǵashqy komponentpen 56,8 million adam egilgen.
