Johns Hopkins University derekterine sáikes, dúisenbi kúni COVID-19 virýsyn juqtyrǵandar sany álemde 1,3 millionnan asty. Rastalǵan jaǵdailardyń jalpy sany 1 309 43 oqiǵaǵa jetti, dep habarlaidy Anadoly agenttigi.
COVID-19 virýsy alǵash ret Qytaidyń Ýhan qalasynan ótken jyldyń jeltoqsan aiynda tabylǵan bolatyn. Sońǵy málimet boiynsha virýs 184 el men aýmaqqa taralǵan. Qaýipti virýstan kóz jumǵandar sany 72 600 adamǵa jetken, 273 500 adam jazylyp shyqqan.
Italiia, Ispaniia jáne Frantsiia – koronavirýstan eń kóp zardap shekken elder. Aýrý juqtyrǵandardyń eń kóp sany – AQSh-ta 350 myń adam. Elde 10 300-den astam adam ólimi tirkeldi.
Ispaniiada koronavirýs juqtyrǵan 135 myńnan astam jaǵdai rastaldy. Italiiada virýs juqtyrǵandardyń jalpy sany – 132 500 adam. Italiia koronavirýstan kóz jumǵandar sany boiynsha kósh bastap tur. Elde virýs 16 523 adamnyń ómirin qisa, al Ispaniiada qaitys bolǵandar sany – 13 169 adam.
Frantsiiada 8 093 adam COVID-19 koronavirýsynyń jańa túrinen kóz jumǵan.
Jańa koronavirýs alǵash tabylǵan Qytaida aýrý juqtyrǵandar sany 82 665 jaǵdaiǵa jetti. Elde 3 335 adam virýstan qaitys bolǵan.
