Keibir azamat úide oqshaýlaný rejimin saqtamai otyr. Bul týraly Úkimet otyrysynda QR Densaýlyq saqtaý ministri Aleksei Tsoi málim etti, dep habarlaidy "Ult aqparat".
«Monitoring toptar karantindik is-sharalardyń saqtalýyn baqylaýdy jalǵastyrýda. Sońǵy 2 aptadaǵy saraptamaǵa sáikes, reid júrgizý 16 paiyzǵa artyp, buzýshylyqtarǵa jol bergen nysandar sany 1,2 ese ósti. Aqtóbe, Batys Qazaqstan, Qyzylorda, Qaraǵandy oblystarynda nysandarǵa reid jasaý sharalarynyń kórsetkishi tómendegeni baiqalatyndyǵyn atap ótkim keledi», - dedi ministr.
Onyń atap ótýinshe, monitoring toptary «Ashyq» jobasyna qatysatyn nysandardyń da karantindik is-sharalardy saqtaýyna baqylaý júrgizedi. «Ashyq» jobasy aiasynda monitoring toptary 60 473 nysandy tekserip, 1 183 nysandaǵy ereje buzýshylyqty anyqtap otyr.
«Buǵan qosa, «Ashyq» engizilgen sátten beri 46 067 «qyzyl» jáne «sary» mártebesi bar kelýshi anyqtaldy. Olardyń 29 930-y PTR-diń oń nátijesimen júrse, 16 137-si bailanysta bolǵan. Ókinishke orai bul statistika keibir azamat úide oqshaýlaný rejimin saqtamaityndyǵyn, turǵyndar jappai jinalatyn nysandarǵa barýǵa tyrysatyndyǵyn, el ishinde saparlaityndyǵyn, sol arqyly tóńiregindegilerge juqtyrý qaýpin tóndiretindigin kórsetedi. Tóńiregendegilerge qaýip tóndiretin azamattardan azamattyq jaýapkershilik tanytýǵa jáne virýstyń taralýyna óz úlesin qospaýǵa ótinemin», - dedi Aleksei Tsoi.
