QR Densaýlyq saqtaý ministri Aleksei Tsoi Azattyq Rýhy portalyna bergen suhbatynda qazaqstandyq balalardy vaktsinalaýǵa qatysty pikir bildirdi, dep habarlaidy QazAqparat.
«Balalardy vaktsinalaý qazir bizde jobada bar. Biraq ol tek erikti túrde, ata-analardyń kelisimi boiynsha ǵana bolady. Bizge balalaryn virýstan qorǵaǵysy keletin ata-analardan óte kóp ótinimder túsip jatyr. Qazir biz máseleni pysyqtap jatyrmyz. Tórtinshi toqsanda Pfizer vaktsinasyn jetkizý josparlanǵan. Ol vaktsina12 jastan asqan balalardy vaktsinalaý boiynsha birqatar jetekshi elderdiń maquldaýyn alǵan. Qazirdiń ózinde mamandardyń jaǵymdy qorytyndysy bar. Keleshekte balalardy 5 jastan bastap vaktsinalaý máselesi talqylanyp jatyr. Qoldaný tájiribesi boldy. Resmi retteýshiler qaýipsiz ekenin rastaǵan jaǵdaida bizde de osnyndai múmkindik paida bolady. Dál qazirgi sátte 12 jastan bastap vaktsinalaýdy josparlap otyrmyz. Árine, biz keńes beremiz. Azamattar qalasa, balalaryn qoldaǵysy kelse, bul eleýli qoldaý bolady», - degen ministr ekpe alyp jatqan qazaqstandyqtar arasynda vaktsinanyń qai túrine suranys kóbirek ekenin aitty.
«Osydan jarty saǵat buryn men Nur-Sultandaǵy №5 qalalyq emhanada bolyp qaittym. Sol kezde áriptesterimizden suradyq. Qazir vaktsinanyń birneshe túri bar. Azamattardyń bul turǵyda tańdaýy ár túrli bolyp shyqty. QazVac ta, «Spýtnik V»-de, Sinofarm da suranysta. Iaǵni, azamattar óz qalaýy boiynsha tańdaý jasap jatyr. Jospar boiynsha kelip jatqan vaktsinalardyń bári suranysqa ie. Artylyp qalyp jatqany joq. Kelesi partiialaryn kútip otyrmyz. Vaktsinanyń túri boiynsha teńdei qoldanys bar ekenin kórip otyrmyz. Iaǵni, vaktsinalardyń eshbiri turyp qalyp jatqan joq. Jospar boiynsha jetkizilip jatqan vaktsinanyń bári qoldanylyp jatyr», - dedi Aleksei Tsoi.
