Búgin QR Densaýlyq saqtaý ministri Aleksei Tsoi Almaty oblysyna jumys sapary barysynda aýyldyq meditsinalyq mekemelerde KVI-ǵa qarsy vaktsinalaý barysynyń uiymdastyrylýymen tanysty, dep habarlaidy "Ult aqparat" vedomstvonyń baspasóz qyzmetine silteme jasap.
Birinshi nysan Talǵar aýdany Taldybulaq aýylynyń dárigerlik ambýlatoriiasy boldy, ol tirkelgen 8,5 myńnan astam halyqqa qyzmet kórsetedi. Olardyń jartysynan kóbi vaktsinatsiialanýy tiis.
Ministr adamdardyń kóp jinalýyna jáne densaýlyqqa qaýip tóndirýge jol bermei, vaktsinatsiianyń josparly protsesin qamtamasyz etý qajet ekendigin atap ótti.
Dárigerlik ambýlatoriianyń meńgerýshisi Baian Esenbaevanyń aitýynsha, osy maqsatta dárigerlik ambýlatoriia bazasynda qurylǵan mobildi brigada aýyl turǵyndaryna aldymen qońyraý shalady: vaktsinatsiia júrgiziletini týraly habarlaidy, tilek bildirýshini tirkeidi, aýyl turǵyndarynyń suraqtaryna jaýap beredi.
Búgingi tańda aýylda egý naýqany qyzý júrip jatyr. Ambýlatoriianyń jeke kabinetinde patsientterdi jalpy praktika dárigeri aldyn ala qaraidy, olardyń dene qyzýy men qysymy ólshenedi, sozylmaly aýrýynyń bar-joǵy suralady, vaktsinatsiiadan keiin saqtyq sharalaryn saqtaý qajettiligi túsindiriledi.
Arnaiy jabdyqtalǵan egý kabinetinde vaktsinany saqtaý jáne engizý úshin jaǵdai jasalǵan: muzdatqysh jabdyq, vaktsinaǵa arnalǵan boks bar, barlyq temperatýralyq jaǵdai saqtalady.
Aýyldyq dárigerlik ambýlatoriiada 135 adam vaktsinatsiialandy, onyń ishinde meditsina qyzmetkerleri. Aýyldyq ambýlatoriiaǵa kelgen vaktsinanyń taǵy 300 dozasyn aldaǵy eki kúnde patsientterge egý josparlanyp otyr. Aýyldyq ambýlatoriiaǵa barǵan kezde ministr dárigerlermen jáne patsienttermen áńgimelesti, vaktsinany alǵan jáne dárigerdiń baqylaýynda turǵan adamdardyń densaýlyq jaǵdaiy týraly surady.
«Búginde halyq vaktsinalarǵa kóbirek senim artty. Aldymen, tipti meditsina qyzmetkerleri de saqtyqpen qarady. Bul túsinikti: vaktsina jańa. Biraq biraz ýaqyttan keiin biz vaktsinany alǵan adamdar ózderin jaqsy sezinetinin kóremiz, eshqandai aiqyn reaktsiia tirkelgen joq, eger olar bolsa, kez-kelgen vaktsinada kórinýi múmkin temperatýranyń ýaqytsha kóterilýi, álsizdik siiaqty», - dep atap ótti Aleksei Tsoi.
«Qazir biz vaktsinatsiianyń qarqyndy damyp kele jatqanyn kórip otyrmyz. Keshe ǵana elimizde 70 myńǵa jýyq adam egildi, al búginde jalpy alǵanda jarty millionnan astam azamat vaktsinatsiiamen qamtyldy. Qarqyny artyp keledi, Qazaqstannyń árbir óńirine vaktsina kelip túsetin kesteler bar. Bul vaktsinalar Eýropa, Aziia elderinde de qoldanylady jáne biz joǵary tiimdilikti kóremiz. Sondyqtan biz úshin azamattardyń olarǵa qol jetkizýi óte mańyzdy, ásirese halyq úshin bul tegin», - dedi ministr óńirge sapary barysynda.
Densaýlyq saqtaý ministri sondai-aq, vaktsinalaý qarqyny artatynyn, al óńirlerge vaktsinany jetkizý kún saiyn arta túsetinin atap ótti.
Aleksei Tsoi sondai-aq Taldybulaq aýylyndaǵy dárigerlik ambýlatoriiaǵa barý aýyl azamattary úshin meditsinalyq kómektiń qoljetimdiligin, vaktsinatsiia kabinetteriniń, qajetti temperatýrany ustap turatyn tasymaldanatyn muzdatqysh kameralardyń bar ekenin atap ótti. Ol meditsinalyq kómek kórsetýdiń mundai deńgeii iriktelip emes, oblystyń barlyq aýyldyq eldi mekenderinde qamtamasyz etilýi tiis ekenin atap ótti.
Onyń aitýynsha, Densaýlyq saqtaý ministrligi tarapynan barlyq ádisnamalyq kómek kórsetiledi, meditsinalyq qyzmetkerlerdi oqytý turaqty negizde júrgiziledi, barlyq nusqaýlyqtar meditsinalyq uiymdardyń basshylaryna jetkiziledi.
Biraq, qazir ol barlyq immýndaý algoritmderin saqtai otyryp, halyqqa vaktsinatsiiaǵa barynsha qol jetkizýdi qamtamasyz etý úshin barlyq jumystardy jumyldyrý mańyzdy ekenin atap ótti.
