Almatyǵa jumys sapary kezinde densaýlyq saqtaý ministri Aleksei Tsoi «MEGA Alma-Ata» SOO vaktsinatsiialaý pýnktinde bolyp, onyń jumysynyń uiymdastyrylýymen tanysty, dep habarlaidy "Ult aqparat" atalmysh vedomostvonyń baspasóz qyzmetine silteme jasap.
Ol protsedýranyń qaýipsizdigi úshin barlyq jaǵdailardyń, sonyń ishinde vaktsinany saqtaýǵa arnalǵan tońazytqysh jabdyqtardyń bar-joǵyn tekserip, vaktsinatsiia alǵysy keletinderdi qabyldaý algoritminiń saqtalýyna kóz jetkizdi.
Patsienttermen áńgime barysynda ministr SOO alańynda jasalǵan jaǵdailar týraly adamdardyń pikirlerin muqiiat tyńdady.
№ 4 emhananyń bas dárigeri, vaktsinatsiia jónindegi úilestirýshi Zýhra Omarovanyń aitýynsha, kún saiyn saýda ortalyǵyna ekpe salǵysy keletinder kóp. Pýnkt 10 sáýirde jumys istei bastady, al 6 kún ishinde munda 1,5 myń adam nemese kúnine orta eseppen 285 adam koronavirýstyq ekpe aldy.
«Halyq yqylaspen keledi. Keibireýler juqtyrý qaýpine ushyramaý úshin emhanaǵa barýdan aýlaq bolady, al deni saý adamdar osynda keledi. Kelýshiler úshin qolaily jaǵdailar jasalǵan. Ázirge vaktsinany engizýge jaǵymsyz reaktsiialardyń birde-bir jaǵdaiy tirkelgen joq», - deidi maman.
65 jastan asqan qart adamdar vaktsinatsiiany alý úshin SOO-ǵa júginedi. Patsientterdiń arasynda 92 jastaǵy qart bar, vaktsinatsiiaǵa niet bildirgen qariiaǵa ekpe salyndy.
Saýda ortalyqtaryndaǵy egý pýnktteri barlyq qajetti sanitarlyq normalardy saqtai otyryp, patsientti mindetti túrde tekserip, surastyra otyryp jumys isteitinin atap ótken jón. Vaktsinatsiiadan keiin 30 minýt ishinde ár patsient baqylaýda bolady. Keiin onyń densaýlyq jaǵdaiy ózi tirkelgen emhananyń baqylaýyna ótedi.
Búgingi tańda Almatyda meditsinalyq mekemelerdi, mektepterdi, SOO men bazarlardy qosa alǵanda, jalpy 208 ekpe pýnkti jumys isteidi.
