Foto: ashyq derekkóz
Búgin, 2026 jylǵy 10 naýryzda kórnekti kompozitor Aleksandr Zatsepin 100 jasqa toldy, dep habarlaidy Ult.kz.
Maestronyń áýenderi «Kavkaz tutqyny», «Y operatsiiasy», «Gaýhar qol» siiaqty áigili filmderde, sondai-aq kóptegen basqa kinokartinalarda shyrqalyp, birneshe býyn tyńdarmandardyń júreginen oryn aldy.
Ótken ǵasyrdyń 50-jyldarynyń basynda Aleksandr Zatsepin Almaty memlekettik konservatoriiasynda (qazirgi Qurmanǵazy atyndaǵy Qazaq ulttyq konservatoriiasy) bilim alyp, belgili kompozitor Evgenii Brýsilovskiidiń jetekshiligimen kompozitsiia mamandyǵyn meńgerdi. Sol kezeńde onyń «Qazaqfilm» kinostýdiiasymen shyǵarmashylyq bailanysy bastalyp, «Bizdiń súiikti dáriger» filmine mýzyka jazdy.
Qurmanǵazy atyndaǵy konservatoriia men Abai atyndaǵy Qazaq ulttyq opera jáne balet teatry kitaphanalarynyń qorlarynda kompozitordyń qoljazbalary men diplomdyq jumysy saqtalǵan.
Óz ǵumyrynda sazger 300-den astam shyǵarma jazyp, onyń mýzykasy 100-den asa filmde paidalanylǵan. Búginde maestro shyǵarmashylyq qyzmetin jalǵastyryp, tyńdarmandaryn áli de qýantýda.
QR Mádeniet jáne aqparat ministrligi kompozitordy mereitoiymen quttyqtap, shyǵarmashylyq ǵumyrynyń uzaq bolýyn tileidi.
