Qazgidromet mamandary Qazaqstanda 4-6 qarasha aralyǵyndaǵy aýa raiyna boljam jasady, dep habarlaidy "Ult aqparat".
Sinoptikter boljamyna sáikes, osy aralyqta jaýyn-shashyn toqtaidy, alaida aýa temperatýrasy aitarlyqtai tómendeidi.
Tek 4 qarashada ǵana ońtústik, ońtústik-shyǵys óńirlerde atmosferalyq fronttardyń ótýine bailanysty qar, taýly aýdandarda qatty qar jaýady. Jel kúsheiip, kóktaiǵaq, burqasyn bolady.
Sondai-aq respýblikanyń basym bóliginde tuman túsedi.
Aýa temperatýrasy batysta túnde 1-6°C sýyq, kúndiz 0-5°C gradýs jyly bolady. Ońtústikte túnde 3-8°C sýyq, kúndiz 10°C jyly.
Soltústik-batysta 8-13°C-tan 0-10°C-qa deiin sýyq bolady.
Soltústikte 13-18°C-tan 0-10°C-qa deiin sýyq, kúndiz 0-8°C-tan 0-6°C-qa deiin jyly bolady.
Ortalyqta jáne shyǵysta túnde 13-21°C-tan 5-13°C-qa deiin sýyq, kúndiz 2-13°C-tan 0-8°C-qa deiin sýyq, soltústik-shyǵysta 0-8°C jyly bolady.
Ońtústik-shyǵysta túnde 5-13°C sýyq, kúndiz 0-5°C jyly bolady.
Megapolisterdegi aýa-raiy
Nur-Sultanda 4 qarashada kún ashyq, kúndiz aýa temperatýrasy -5°C, túnde -13°C bolady.
5 qarashada kún ashyq bolyp, kúndiz aýa temperatýrasy +1°C, -8°C bolady. 6 qarashada kún bultty bolady, kúndiz +1°C, túnde -5°C bolady.
Almatyda 4 qarashada kún bultty bolyp, qalyń qar jaýady. Kúndiz aýa temperatýrasy -6°C, túnde -11°C bolady.
5 qarashada kún ashyq bolyp, kúndiz aýa temperatýrasy -7°C, -12°C bolady. 6 qarashada kún ashyq bolady, kúndiz +1°C, túnde -11°C bolady.
Shymkentte 4-6 qarasha aralyǵynda kún ashyq bolady, aýa temperatýrasy kúndiz +3…+9 gradýsqa kóteriledi. Al túnde -3…-5 gradýsty qamtidy.
Qarashada aýa-raiy qandai bolady?
Aidyń birinshi jartysy jyly bolady dep boljanyp otyr. Soltústikte aýa temperatýrasy túnde minýs 3 gradýstan -8...-13°S deiin, kúndiz +3...+10°S-tan -2+3°S deiin qubylady.
Birinshi onkúndiktiń sońynda respýblikanyń soltústiginde, soltústik-batysynda, shyǵysynda jáne ortalyǵynda jel kúsheiip, jaýyn-shashyn (kóbine qar) túsedi, aidyń ekinshi jartysynda bul qubylys jiileidi. Bir ai boiy kóktaiǵaq pen tuman baiqalady.
"Aidyń ekinshi jartysynda kún qatty sýytady. Synap baǵanasy túnde -17...-25°S deiin, kúndiz -8...-13°S deiin, al elimizdiń shyǵysynda túnde -30°S deiin, kúndiz -18°S deiin tómendeidi", - dep boljady sinoptikter.
Qarashanyń úshinshi onkúndiginde sýyqtyń beti qaitady. Batysta, ońtústik pen ońtústik-shyǵysta jabysqaq qar men jańbyr túrinde jaýyn-shashyn jaýady.
Eń jyly kúnder aidyń birinshi jartysynda bolady. Kúndiz aýa temperatýrasy +10...+18°C deiin joǵarylaýy múmkin, alaida qarashanyń ekinshi jartysynda temperatýra fony túnde -5...-17°C, kúndiz -2...-7°C deiin tómendeidi.
Úshinshi onkúndikte kún qaitadan jylynady.
