Qazgidromet 28-30 qazan aralyǵynda aýa raiy qandai bolatynyn jariialady.
Sinoptikter boljamyna sáikes, aldaǵy úsh kúnde aýa raiy qubylmaly bolady. Jańbyr men qar túrinde jaýyn-shashyn jaýady, jel kúsheiip, eldiń soltústik jáne ortalyq aýdandarynda burqasyn men kóktaiǵaq bolady.
28-29 qazanda ońtústik pen ońtústik-shyǵystyń taýly aýdandarynda qatty jaýyn-shashyn jaýady. Sondai-aq respýblika boiynsha tuman túsýi múmkin.
Batysta aýa temperatýrasy túnde -5...+6°C-tan 0...+8°C-qa deiin qubylady. Al kúndiz +5...+15°C bolady.
Soltústik-batysta, soltústikte túnde -3...-8°C-tan -3...+5°C-qa qubylady, kúndiz 0...+8°C bolýy múmkin.
Ortalyqta túnde aýa temperatýrasy -5...-10°C-tan joǵarylaidy, kúndiz 0°C-tan -10°C-qa deiin qubylady.
Shyǵysta túnde 0...-7°C-tan 0...-5-ke deiin aýysady, kúndiz 5-15°C jyly.
Ońtústikte túnde -5...+8°C shamasynda bolady, kúndiz +7...+15°C jyly bolady dep boljandy. Eldiń ońtústik-shyǵysynda túnde aýa temperatýrasy tómendeidi, kúndiz 10-18°C-tan 7-15°C aralyǵynda qubylady.
Megapolisterdegi aýa raiy
Nur-Sultanda 28-29 qazanda kún bultty, túnde -1...-3°C, kúndiz +5...+6°C jyly bolady. 30 qazanda qar aralas jańbyr jaýady, aýa temperatýrasy túnde +2, kúndiz +4°C kórsetedi.
28 qazanda Almatyda kún bultty, túnde +6°C, kúndiz +13°C jylyny kórsetedi. 29-30 qazanda jańbyr jaýady, túnde +5...+6°C, kúndiz +10...+11°C jyly bolady.
Shymkentte 28-29 qazanda jańbyr jaýady, aýa temperatýrasy túnde +4...+6, kúndiz +9...+11°C kórsetedi. 30 qazanda kún ashyq, túnde +2°C, kúndiz +15°C bolady.
