Sinoptikter 30 qyrkúiek, 1-2 qazanǵa arnalǵan aýa raiy boljamyn usyndy, - dep habarlaidy "Ult aqparat".
Qazgidromet málimeti boiynsha, Qazaqstan aýmaǵynyń batys óńirlerden basqa basym bóligi áli de júrip kele jatqan tsiklon jyrasynyń yqpalynda bolady.
"Batys óńiri qazirdiń ózinde Máskeý aýdandarynan kóship kele jatqan soltústik-batys antitsiklonnyń qol astynda. Elimizdiń soltústiginde, soltústik-batysynda, shyǵysynda, ortalyǵynda jáne ońtústik-shyǵystyń taýly aýdandarynda jańbyr men qar aralas jaýyn-shashyn bolady, arty kóktaiǵaqqa ulasady. Túnde jáne tańerteń tuman túsedi", - delingen habarlamada.
1 qazannan bastap soltústik-batys antitsiklonnyń batystan shyǵysqa qarai yǵysýyna qarai jaýyn-shashynnyń toqtatylýy jáne aýa temperatýrasynyń odan ári tómendeýi kútiledi. Túnde soltústikte, shyǵysta jáne ortalyqta 1-6 gradýs aiaz, kúndiz 2-7 gradýsqa deiin jyly bolady.
Elimizdiń soltústik-batysynda túnde termometr 6 gradýsqa deiin tómendeidi, kúndiz 3-13 gradýs jyly bolady. Al ońtústik óńirlerde túnde 2 gradýsqa deiin úsik júredi, kúndiz temperatýra 8-13 gradýsqa deiin tómendeidi. Eldiń batysynda ǵana aýa temperatýrasynyń negizgi fony túnde 3 gradýs aiaz - 5 gradýs jyly, kúndiz 10-15-ten 13-18 gradýs jylyǵa kóteriledi.
