Sinoptikter Qazaqstanda 2, 3 jáne 4 qarashaǵa arnalǵan aýa raiy boljamyn usyndy, - dep habarlaidy "Ult aqparat".
Qazgidromettiń málimetinshe, atmosferalyq fronttardyń ótýine bailanysty Qazaqstannyń basym bóliginde turaqsyz aýa raiy kútiledi. Jaýyn-shashynnyń arty qarǵa ainalyp, ekpindi jel, tuman, kóktaiǵaq, tómen burqasyn bolady.
"Ońtústik, ońtústik-shyǵys oblystarda qatty jaýyn-shashyn kútiledi, soltústik-batys sýyq antitsiklonnyń basyp kirýimen jaýyn-shashyn birte-birte toqtap, aýa temperatýrasy aitarlyqtai tómendeidi.
Soltústik-batysta túngi temperatýra 15 gradýs aiazǵa deiin, soltústikte, ortalyqta, shyǵysta 20 gradýs aiazǵa deiin, ońtústikte 13 gradýs aiazǵa deiin, ońtústik-shyǵysta 16 gradýs aiazǵa deiin tómendeidi", - delingen habarlamada.
