Sinoptikter 14-16 qazanǵa arnalǵan aýa raiy boljamyn usyndy, - dep habarlaidy "Ult aqparat".
Boljamǵa sáikes, osy aralyqta antitsiklon áserinen Qazaqstannyń basym bóliginde jaýyn-shashynsyz aýa raiy bolady. Tek 16 qazanda soltústik-batys tsiklonynan kúndiz Batys Qazaqstan oblysynyń soltústik-batysynda jańbyr jaýady.
"Elimizdiń batysy men ońtústiginde jeldiń kúsheiýi, shańdy daýyl saqtalady. Aýa temperatýrasy kúndiz batysta, soltústik-batysta 15-23 gradýs jyly, soltústikte, shyǵysta jáne ortalyqta 7-15 gradýs jyly, ońtústikte, ońtústik-shyǵysta 12-21 gradýs jyly", - delingen habarlamada.
Sondai-aq, Elordada 14 qazanda túnde +3, kúndiz +12 gradýs bolady. Kún ashyq. Jumada da dál osyndai aýa raiy saqtalady. 16 qazanda kún alabultty, túnde 0, kúndiz +8 gradýs.
Almaty qalasynda beisenbide túnde +4, kúndiz +13 gradýs jyly. Juma men senbide de +15 gradýs shamasynda, kún ashyq.
Shymkentte 14, 15, 16 qazanda kún ashyq, synap baǵanasy +21 gradýsqa deiin kóteriledi.
