Mektepterdi jan basyna qarjylandyrý júiesi aldaǵy ýaqytta tolyǵymen retke keltirilip, shyǵyndardyń bárin arnaiy saittan kórip otyrýǵa bolady.
Bul týraly Bilim jáne ǵylym ministri Ashat Aimaǵambetov málim etti, dep habarlaidy "Ult aqparat".
«Biz bilim salasynyń qarjylandyrylýynyń ashyqtyǵyn qamtamasyz etýimiz kerek. Birinshiden, bólek biýdjettik baǵdarlamany iske asyrǵan durys. Bilim salasyna bólingen qarajattyń durys baǵytta jumsalyp jatqanyn baqylap otyratyndai múmkindik bolýy tiis. Ekinshiden, qai óńirge jergilikti atqarýshy organnan qarajat jetkiliksiz bólindi – ony ai saiyn qarap, qadaǵalap, saitqa ilip otyrý kerek. Ony qoǵam bilýi tiis. Úshinshiden, qazir azamattyq biýdjet degen uǵym bar. Ár mekteptiń, ár oblystyń biýdjeti, shyǵyndary mindetti túrde saittarynda ilinýi kerek. Bir kompiýter satylyp alynsa da – ol qandai, fotosy bar ma, aktisimen birge bári ilinip turady. Sonda ǵana qoǵamda bilim salasyna qatysty teris oilar bolmaidy», - dedi Ashat Aimaǵambetov Bilim jáne ǵylym ministrliginiń apparattyq otyrysynda.
Ministr ár mektepke osyndai júie engiziletinin málim etti.
«Bizde SEDA degen sait bar. Sonda ár mektepte neshe baladan bar – barlyq aqparatty engizip jatyrmyz. Sol saitta qarjylandyrý máselesi de bólek qaralatyn bolady. Qansha qarajaty bar? Biýdjeti qandai? Ne satyp aldy? Jalaqy tóleýge qansha qarajat jumsaldy? Basqa da shyǵyndardyń bárin sodan kórip otyramyz», - dedi ol.
