Densaýlyq saqtaý ministrliginiń basshysy Ajar Ǵiniiat "elde koronavirýs taralsa, oqýshylar aldaǵy oqý jyly qalai oqidy?" degen suraqqa jaýap berdi, dep habarlaidy Massaget.kz portaly.
Basqarma basshysy jańa oqý jylynda usynylǵan shekteýler týraly aitý áli erte ekenin aitty.
"Mektep oqýshylary qalai oqidy, karantin bola ma?" degenge kelsek, bul máselelerdi oqý jylyna jaqynyraq talqylaimyz dep oilaimyn. Qazir basqa nárse aitý erte. Epidemiologiialyq jaǵdai men infektsiianyń taralýyn boldyrmaý boiynsha qabyldanyp jatqan sharalar týraly aittym jáne aldaǵy ýaqytta da únemi habarlap otyramyn", - dedi Densaýlyq saqtaý ministrliginiń basshysy Ortalyq kommýnikatsiialar qyzmetinde ótken brifingte.
Buǵan Densaýlyq saqtaý ministrliginiń basshysy Qazaqstandaǵy koronavirýs aýrýynyń jańartylǵan boljamyn jariialaǵan bolatyn.
Densaýlyq saqtaý ministrligi ai saiyn aldaǵy úsh aiǵa boljam jariialap otyrady. Pessimistik stsenarii boiynsha kúnine 4 myń naýqasqa deiin tirkeledi. Realistik stsenarii boiynsha kúnine 2,5 myń adamǵa deiin anyqtalady. Optimistik stsenarii boiynsha kúnine myń naýqasqa deiin tirkeledi. Koronavirýs juqtyrý tamyz boiy jalǵasyp, qyrkúiekte azaiady.
