Qazaqstanda 40 gradýsqa deiin aptap jáne naizaǵai bolady dep kútiledi. "Qazgidromet" RMK sinoptikteri 26-28 tamyzǵa arnalǵan aýa raiy boljamyn usyndy, - dep habarlaidy "Ult aqparat".
Meteorologtar málimetinshe, respýblikanyń basym bóliginen atmosferalyq fronttardyń ótýine bailanysty turaqsyz aýa raiy bolady dep boljanǵan: naizaǵai, burshaq, jel jáne jańbyr.
"Respýblikanyń barlyq aimaqtarynda temperatýralyq fon salystyrmaly túrde turaqty: batysta túnde 17-22, kúndiz 30-38 gradýs jyly, soltústikte túnde 7-18, kúndiz 20-32 gradýs, respýblikanyń ortalyǵynda jáne shyǵysynda túnde 7-18, kúndiz 22-35 gradýs, ońtústikte túnde 15-23, kúndiz 32-40 gradýs aptap, ońtústik-shyǵysta túnde 13-22, kúndiz 27-37 gradýs ystyq", - delingen habarlamada.
