Foto: Ashyq derekkóz
Qazgidromet sinoptikteri 11-13 mamyr aralyǵyna arnalǵan úsh kúndik aýa raiy boljamyn jariialady, dep habarlaidy «Ult aqparat».
Iran aimaqtarynan keletin bult órisi eldiń batys aimaqtaryn jaýlap alady, sonyń áserinen kún kúrkirep, qatty jańbyr jaýady.
Burshaq túsip, aýa temperatýrasy tómendeidi.
Fronttar respýblikanyń shyǵysyna qarai jyljidy.
Saldarynan shyǵys, soltústik, ortalyq oblystarda naizaǵai jarqyldap, qysqa merzimdi jańbyr jaýady.
Temperatýra birtindep maksimaldy 22-27 gradýs jylyǵa deiin kóteriledi.
Ońtústik jáne shyǵys óńirlerde de qubylmaly aýa raiy saqtalady.
Naizaǵai oinap, burshaq jaýady, ekpindi jel soǵady.
Degenmen, kúndiz termometr baǵany birte-birte Tselsii boiynsha pliýs 20-32 gradýsqa deiin kóteriledi.
