Shyǵys Qazaqstan oblysynyń ákimi Danial Ahmetov óńirdegi iri kásiporyndardyń basshylarymen kezdesý ótkizdi, dep habarlaidy "Ult aqparat".
Kezdesý barysynda vaktsinatsiia pýnkterin ornalastyrý máselesi men immýndaý protsesi talqylandy.
«Vaktsinatsiia qazirgi tańda koronavirýstan qorǵaýdyń eń tiimdi jáne qaýipsiz ádisi. Bunyń pandemiiamen kúrestegi eń durys sheshim ekenin bárimiz jaqsy túsinemiz. Búginde oblys halqynyń jartysynan kóbi maska taqpai ketti. Álbette osy ýaqyt aralyǵynda jurtshylyq shekteýlerden sharshady, ári aýa temperatýrasy kóterilip, kún ysyp keledi. Alaida osy rette áleýmettik jaýapkershilik týraly umytpaýymyz kerek. Qarapaiym erejelerdi saqtai otyryp, adam ózin ǵana emes, jaqyndarynyń ómiri men densaýlyǵyn saqtaidy», - deidi Danial Ahmetov.
Onyń aitýynsha, bes ai ishinde Shyǵys Qazaqstan 800 myńǵa jýyq vaktsinamen qamtamasyz etiledi. Bul shyǵysqazaqstandyqtardyń 60%-ǵa jýyǵyn vaktsinatsiialaýǵa múmkindik bermek.
«Qazirgi ýaqytta óńir boiynsha 240 vaktsinatsiia pýnkti ashyldy. 14 sáýir kúni qosymsha 42 myń vaktsina jetkizildi. Jaqyn arada taǵy da iri partiia ákelinip, onyń 33 myńnan astamy ónerkásiptik kásiporyndarǵa beriledi», - dedi aimaq basshysy.
