Halyqaralyq ǵalymdar toby Altsgeimer aýrýyn alǵashqy belgileri paida bolmai turyp anyqtaýǵa múmkindik beretin jańa tehnologiiany tanystyrdy, dep habarlaidy ult.kz.
Zertteý barysynda ǵalymdar aýrýdyń eń erte kezeńinde paida bolatyn amiloid-beta aqýyzynyń ýly oligomerlerin anyqtai alatyn arnaiy molekýlalar ázirledi. Buǵan deiin bul qurylymdardy qazirgi diagnostikalyq ádistermen kórý múmkin bolmaǵan.
Tyshqandarǵa júrgizilgen tájiribe bul ýly aqýyzdardyń mi jasýshalaryndaǵy energiia óndiretin mitohondriialardyń jumysyn buzyp, neirondar arasyndaǵy bailanysty álsiretetinin kórsetti. Eń mańyzdysy – bul ózgerister qabyný nemese basqa aiqyn belgiler paida bolmai turyp bastalady.
Zertteýshilerdiń aitýynsha, jańa tehnologiia Altsgeimerge qarsy qoldanylyp júrgen dárilerdiń tiimdiligin dálirek baǵalaýǵa jáne emdi aýrýdyń simptomdary baiqalmai turyp bastaýǵa múmkindik berýi múmkin.
Jobany Niý-Iorktegi Maýnt-Sinai meditsina mektebi, Izraildegi Bar-Ilan ýniversiteti jáne Kanadanyń zertteýshileri birlesip júzege asyrǵan.
Qazir tehnologiia klinikalyq qoldanýǵa jaqyndap qaldy. Ǵalymdar ony adamdarǵa synaýǵa daiyndalyp jatyr. Eger synaqtar sátti ótse, bul Altsgeimerdi erte anyqtaý men emdeýde úlken serpilis bolýy múmkin.
