Foto: Gov.kz
Oblys ákiminiń orynbasary Rýstam Isataev Alataý qalasynyń damý josparlarymen tanystyryp, jyl sońyna deiin júzege asatyn eki iri joba jaiynda aitty, dep habarlaidy Ult.kz.
Biyl qalanyń indýstriialyq parkiniń ekinshi kezeńi iske qosylady, onyń aiasynda qosymsha 20 myń sharshy metr qoima salý kózdelgen. Jobanyń jalpy investitsiia kólemi – 10 mlrd teńge.
Sonymen qatar quny 73,3 mlrd teńgeni quraityn zamanaýi kólik-logistikalyq ortalyqtyń qurylysy bastalmaq.
«Alataýda Shenchjen úlgisindegi arnaiy ekonomikalyq aimaq qurylǵan. Investorlarǵa daiyn infraqurylym, salyqtyq jáne ákimshilik jeńildikter usynylady. Sonymen birge halyqaralyq naryqtarǵa tikelei shyǵý múmkindigi bar», – dedi Rýstam Isataev.
