Almatynyń qalalyq TJD Qarǵaly ózenine qatysty tolyq aqparat berdi, dep habarlaidy QazAqparat.
«Qazáýequtqarý», «Almaty Qutqarý» qyzmetiniń borttary men Ulttyq ulannyń jeke quramy daiyn tur. TJD-nyń barlyq qyzmetteri shuǵyl jaǵdaiǵa ázirlendi», - dedi qalalyq TJD ókilderi.
Qutqarýshylardyń málimetinshe, Qarǵaly ózeniniń basyndaǵy kóldiń sýyn jiberý jumystary 6 maýsymda bastalǵan. Buǵan 6 sorǵysh, sifon jelisi iske qosylǵan. Sondai-aq, ekskavatormen tranzittik sý júrgizý úshin basqa arna qazylǵan.
Qalalyq TJD-nyń málimdeýinshe, kólden 1,6 mln tekshe metr sý jiberilgen. Bastapqyda sý kólemi 77 myń tekshe metr bolǵan. Qazirgi ýaqyttaǵy jaǵdai boiynsha, ózendegi sý deńgeii 5 metrge tómendedi.
Aldyn ala sý basýy yqtimal 8 ýchaske belgilendi. Shuǵyl áreket etýge 59 tehnika, 216 adam jumyldyryldy.
«Qazirgi tańda Qarǵaly ózenindegi sýdyń shuǵyl azaiýy baiqalmaidy. Ózen deńgeii sekýndyna 20 tekshe metr sý jiberýge deiin turaqtaldy. Dál qazir 3,6 tekshe metr sý jiberip jatyr. Jaǵdai turaqty, baqylaýda. Alańdaýǵa esh negiz joq», - dedi TJD ókilderi.
Selge bailanysty qalalyq TJD qaýyrt jelini iske qosty.
«Selden japa shekkender nemese qaýip tóngen adamdar 278 20 84 nómirine habarlasa alady. Bailanys nómiri táýlik boiy jumys isteidi», - dedi departament mamandary.
Aita ketý kerek, búgin tańǵa jaqyn Almatynyń Naýryzbai aýdanynda az mólsherde sel júrgen bolatyn. TJD ókilderi halyqty qulaqtandyryp úlgerdi.
Qala ákimi Baqytjan Saǵyntaev ta oqiǵa ornyna jetken edi.
