Alakól kólinde eki gidrotsikldiń soqtyǵysýy saldarynan bir adam qaza taýyp, taǵy bir adam jaraqat aldy. Bul týraly Jetisý oblystyq Tótenshe jaǵdailar departamenti habarlady, dep habarlaidy ult.kz.
Vedomstvonyń málimetinshe, qaiǵyly oqiǵa 17 shilde kúni Alakól kóliniń akvatoriiasynda bolǵan.
Qazir atalǵan derek boiynsha Alakól aýdandyq politsiia bólimi sotqa deiingi tergeý amaldaryn júrgizip jatyr.
Politsiia azamattarǵa Investitsiialar jáne damý ministriniń 2015 jylǵy 27 naýryzdaǵy №354 buiryǵymen bekitilgen shaǵyn kólemdi kemelerdi paidalaný qaǵidalaryn eske saldy. Atalǵan talaptarǵa sáikes, navigatsiialyq shamdarmen jabdyqtalmaǵan shaǵyn kólemdi kemelerdi qarańǵy ýaqytta paidalanýǵa tyiym salynady.
Oblystyq politsiia departamentiniń málimetinshe, shomylý maýsymy bastalǵaly beri sý aidyndaryndaǵy qaýipsizdik talaptary men shaǵyn kólemdi kemelerdi paidalaný erejelerin buzǵany úshin 108 ákimshilik hattama toltyrylǵan.
Jetisý oblystyq Tótenshe jaǵdailar departamenti shaǵyn kólemdi kemelerdiń ieleri men júrgizýshilerin sýdaǵy qaýipsizdik talaptaryn qatań saqtaýǵa jáne tyiym salynǵan ýaqytta sý kólikterin paidalanbaýǵa shaqyrdy.
