Uly oishyl ál-Farabidiń 1150 jyldyǵy Islam yntymaqtastyǵy uiymy aiasynda keńinen atap ótiledi, dep habarlaidy "Ult aqparat" QR Syrtqy ister ministrligine silteme jasap.
Málim etilgendei, biylǵy 3-4 sáýirde Niger Respýblikasynyń astanasy Niameide «Beibitshilik pen damý jolynda birlesken kúsh-jigermen terrorizmge qarsy kúres» taqyrybynda Islam yntymaqtastyǵy uiymynyń Syrtqy ister ministrleri keńesiniń 47-shi sessiiasy ótedi. Osy Keńes otyrysyna daiyndyq aiasynda qazaqstandyq delegatsiia aǵymdaǵy jylǵy 4-11 aqpan aralyǵynda IYU Bas hatshylyǵynyń Jidda qalasyndaǵy shtab-páterinde uiymdastyrylǵan IYU Ekonomikalyq, mádeni jáne áleýmettik máseleler jónindegi islam komissiiasynyń (ISECS) 43-shi sessiiasyna jáne Aǵa laýazymdy tulǵalar (SOM) otyrysyna qatysty.
Elimiz delegatsiiasyn Qazaqstannyń Saýd Arabiiasyndaǵy Elshisi, IYU janyndaǵy Turaqty ókili Berik Aryn basqaryp, onyń quramyna QR SIM Taiaý, Orta Shyǵys jáne Afrika departamentiniń direktory Erjan Muqash jáne Jidda qalasyndaǵy QR Bas konsýly Talǵat Shaldanbai kirdi.
«Is-sharalar barysynda saiasi, ekonomikalyq, áleýmettik jáne mádeni máseleler, sondai-aq ǵylym jáne tehnologiialar, densaýlyq saqtaý salalaryndaǵy yntymaqtastyq, sý resýrstary, klimat pen qorshaǵan ortanyń ózgerýi, otbasy máseleleri qarastyryldy. Otyrystardyń qorytyndysy boiynsha elimizdiń syrtqy saiasi bastamalaryn odan ári ilgeriletýge qatysty birqatar qararlardyń jobalary qoldaý tapty. Olardyń ishinde, «Islamdyq tatýlasý», Azyq-túlik qaýipsizdigi jónindegi islam uiymy (AQIU) men «Astana» halyqaralyq qarjy ortalyǵynyń qyzmetterine, Álemdik jáne dástúrli dinder liderleriniń sezine, Ǵylym jáne tehnologiialar men t.b. salalardaǵy jetekshi musylman memleketteriniń qatysýymen IYU-15 dialog alańyn qurýǵa qatysty qararlardyń jobalary bar», - delingen QR SIM aqparatynda.
Uiymǵa múshe memleketter Qazaqstannyń IYU aiasynda Ábý Nasyr ál-Farabidiń 1150 jyldyǵyn keńinen atap ótý jónindegi usynysyn biraýyzdan quptady.
Atalǵan is-sharalar aiasynda qazaqstandyq delegatsiia birqatar ekijaqty kezdesýler ótkizdi. Atap aitqanda, Dakka qalasyndaǵy Islam tehnologiialyq ýniversitetiniń prorektory Omar Djahpen bolǵan kelissózderdiń nátijesinde atalǵan ýniversitet alańynda Ábý Nasr Ál-Farabidiń ómiri men qyzmetine arnalǵan ǵylymi-tájiribelik konferentsiia ótkizý týraly ýaǵdalastyqqa qol jetkizildi.
Túrkiianyń IYU janyndaǵy Turaqty ókili Saleh Mýtlý Shenmen AQIU Bas direktory E.Baidaýletpen birlese ótkizgen kezdesý barysynda túrik tarapy 2020 jyly AQIU Bas Assambleiasynyń 3-shi otyrysyn Túrkiiada ótkizýge daiyndyǵyn bildirdi.
