Aqtóbe hrom qosyndylary zaýytyndaǵy oqys oqiǵadan soń aýrýhanaǵa túsken 32 jastaǵy jumysshy qaitys boldy, dep habarlaidy "Ult aqparat".
Zaýytta kúiik shalǵan eki jumysshy aýyr hálde oblystyq jedel járdem aýrýhanasyna jetkizilgen bolatyn. Sol jerde bir apta em qabyldaǵan 32 jastaǵy júrgizýshi búgin kóz jumdy. Aýrýhananyń bas dárigeri Sáken Qapanovtyń aitýynsha, onyń denesiniń 60 paiyzyn kúiik shalǵan.
Aita keteiik, 28 mamyr kúni zaýyttaǵy syiymdylyǵy 50 tekshe metr bolatyn bóshkeni tazartqan tórt jumysshy oqiǵa ornynda mert boldy. Al ekeýi aýrýhanaǵa túsip, em qabyldaǵan edi. Qylmystyq kodekstiń «Abaisyzda eki nemese odan da kóp adamnyń ólimine ákep soqqan eńbekti qorǵaý erejelerin buzý» baby boiynsha tergeý bastaldy. Ýchaske sheberi, bólim bastyǵy jáne №4 tseh bastyǵy ustaldy. Olar tergeý aiaqtalǵanǵa deiin qamaýda otyrady.
