Foto: Aqtóbe oblystyq TJD baspasóz qyzmeti
Aqtóbe oblysy ákiminiń baspasóz qyzmeti Muǵaljar aýdany Jaǵabulaq aýylynan 74 adam evakýatsiialanǵanyn habarlaidy.
Aqtóbe oblysy boiynsha túnde jańbyr jaýyp, sý deńgeii kóterildi. Saldarynan Muǵaljar aýdany Jaǵabulaq aýylynda Jem ózeni kóterilgen.
- Sý deńgeii kóterilgen soń qaýip týyndady. Barlyǵy 74 adam, onyń ishinde 30 bala evakýatsiialandy. Olardy munai kompaniiasynyń vahtalyq qalashyǵyna ornalastyrdy. Meditsinalyq kómek qajet bolmady. Aýylda eki aýlany sý basty, - delingen habarlamada.
Aita keteiik, aýylda barlyǵy 1 300-den astam adam turady.
Eske salsaq, keshe túnde Shalqar aýdanynyń Búirektóbe aýylynyń turǵyndary evakýatsiialandy.
