Foto: Almaty.tv
Aqtóbe qalasynda sý tasqyny kezinde sý shaiǵan baý-baqsha ýchaskeleri dezinfektsiialanady, dep habarlaidy qala ákimdiginiń baspasóz qyzmeti.
Dezinfektsiia júrgizý úshin qala ákimdiginiń suranysyna sáikes qorǵanys ministrligi áskeri qyzmetshiler men arnaiy tehnikalar jibergen. Zararsyzdandyrý jumystary aldaǵy 10 kún ishinde atqarylady.
"Bizge qorǵanys ministrligi 50 sarbaz, 16 tehnika jiberdi. 107 baý-baqsha aýmaǵynda, iaǵni 5082 gektar jerde dezinfektsiia júrgiziledi. Osyǵan bailanysty turǵyndardy alyp-qashpa áńgimelerge senbeýge shaqyramyn. Dezinfektsiia turǵyndardyń densaýlyǵy men jalpy sanitarlyq tazalyq úshin qajet, sol sebepti túsinistikpen qaraýdy suraimyn", - dedi qala ákimi Azamat Beket.
Halyqqa barlyq aqparat BAQ jáne memlekettik organdardyń resmi paraqshalary arqyly jetkizilip otyrady.
