Aqtóbede perzenthanada matrats janyp, 500-ge jýyq adam qutqaryldy, dep habarlaidy QazAqparat tilshisi.
«Búgin saǵat 10:23-te Aqtóbede perinataldy ortalyqtyń jertólesindegi matrats jandy. Órt 10:40-ta óshirildi. Barlyǵy 175 adam qutqaryldy. Onyń 78-i - bala, 97-si - ana. Sonymen qatar, 316 meditsina qyzmetkeri evakýatsiialandy. Oqiǵa ornyna 62 órt sóndirýshi men 11 tehnika jiberildi. Apatty meditsina ortalyǵy men Jedel qutqarý jasaǵynan 7 adam, 2 tehnika bardy. Jalpy aýdany 5 sharshy metr aýmaq órtendi», - dep habarlady oblystyq TJD baspasóz qyzmeti.
Aqtóbede perinataldy ortalyq qyzmetkerleriniń aitýynsha, órt shyqqan kezde bosaný bólmesinde 7 júkti kelinshek bolǵan.
