«Folksvagen Polo» kóligin júrgizgen Ózbekstan azamaty rólge ie bola almai aýdarylyp qaldy. Tórt adam aýrýhanaǵa tústi, dep habarlaidy "Ult aqparat".
Oqiǵa 19 tamyz kúni saǵat 07:15-te boldy. «Folksvagen Polo» kóliginiń júrgizýshisi Qostanai qalasynan Aqtóbe qalasyna qarai baǵyt alyp, Áiteke bi aýdanynyń Áike aýylynan 4 shaqyrym qashyqtyqta aýdarylyp qaldy. 40 jastaǵy júrgizýshi kólik rólge ie bola almai qalǵan.
«Jol-kólik oqiǵasy kezinde tórt adam, onyń ishinde bir bala jaraqat aldy. Zardap shekkenderdiń bári túrli dene jaraqatymen Áiteke bi aýdandyq aýrýhanasyna jetkizildi. Qazir jol-kólik oqiǵasyna bailanysty tergeý júrip jatyr», - dep habarlady oblystyq PD baspasóz jetekshisi Erbolat Sarqulov.
Áiteke bi aýdandyq aýrýhanasynyń bas dárigeri Nurseiit Kishkentaevtyń aitýynsha, zardap shekkenderdiń biri aýrýhanada kóz jumǵan.
«Biriniń basyna qan quiylyp, qaitys boldy. Ózgeleri de jabyq bas-mi jaraqatyn alǵan. Barlyq úsh naýqastyń jaǵdaiy ortasha aýyr. Kámeletke tolmaǵan qyzdyń da bas-miy shaiqalǵan. Bári tiisti em alýda, dárigerlerdiń baqylaýynda», - dedi dáriger Nurseiit Kishkentaev.
