© Sputnik / Bolat Shaihinov
Aqtóbede jalpy bilim beretin mekteptiń basshysy oqý ornyna jumysqa qabyldaý úshin aqsha alǵan, dep jazady Sputnik Qazaqstan.
Sottyń baspasóz qyzmetiniń habarlaýynsha, №71 mektep direktorynyń mindetin atqarýshy birneshe ret para aldy dep aiyptalǵan.
Aldymen jumysqa ornalasýǵa járdemdeskeni úshin 200 myń teńge, sodan keiin taǵy júz myń teńge alǵan.
Sot ony memlekettik qyzmette jumys isteý quqyǵynan ómir boiyna aiyryp, jeti jylǵa bas bostandyǵynan aiyrý jazasyn taǵaiyndady, dep habarlady "Moi gorod".
Sheshim qabyldaý barysynda sybailas jemqorlyq qylmysynyń aýyr ekeni, sondai-aq sottalýshynyń jas balalary bar ekeni eskerildi.
