Byltyr Samara-Shymkent tasjolynda iri jol apaty bolyp, birneshe adamnyń ómiri qiylǵan edi. Oqiǵaǵa kúdikti dep tanylǵan áiel sotta aqtalyp shyqty, dep habarlaidy "Ult aqparat" EL.kz aqparat agenttigine silteme jasap.
Kólik tizginin ustaǵan 30 jastaǵy áiel kúieýinen, úsh balasynan aiyrylyp qaldy. Tergeý deregi boiynsha, áiel qarsy jolǵa shyǵyp ketip, júk kóligimen soqtyǵysqan. Alaida, sotta bul nusqa tolyq emes dep tanyldy. Onyń aldyndaǵy kólikti basyp ozý úshin qarsy jolaqqa shyqqany joqqa shyǵaryldy. Sotta áiel óz jolaǵymen qozǵalǵany dáleldendi.
Jol kólik apatyna janarmai tasymaldaityn kólikti basyp ozamyn degen júk kóligi qarsy jolǵa shyǵyp ketýi sebep bolǵan. Muny kórgen áiel tejeýishti basqanymen, jol apatynan qashyp qutyla almaǵan. Kýágerler bul derekti rastady.
Nátijesinde Áiteke bi aýdandyq soty kúdiktiniń jol erejesin buzǵany dáleldenbegendikten ony aqtaý týraly sheshimge keldi.
